مكياج الوجه في مصر

مكياج الوجه تقريبًا هو أهم خطوة في روتين جمالك. سواء كنتِ بتحضّري لبشرة ناعمة تناسب لوك بسيط، أو حابة تزودي لمسة جاذبية للوك جريء، أو حتى بتحبي اللوك الطبيعي وكأنك مش حاطة مكياج خالص – في نون مصر هتلاقي كل اللي محتاجاه تحت سقف واحد. من الفاونديشن لحد الهايلايتر، جمعنالك أهم المنتجات.

من المكياج اللي يناسب البشرة السمراء لحد أفتح درجات البشرة، المهم تختاري الدرجة الصح اللي تمشي مع لون بشرتك الطبيعي. الهدف إنك توصلي للوك ناعم وموحّد، من غير ما يبان فرق بين الوجه والرقبة. لو الدرجة أغمق من الطبيعي، هتلاقي وشك باين أغمق، ولو أفتح، بشرتك هتنوّر أوي بشكل مصطنع. أما للبشرة السمراء، اختاري درجات دافئة وذهبية. ولو بشرتك فاتحة وباردة، ابعدي عن الدرجات اللي فيها دفء زيادة عشان تتجنبي ظهور لمعة حمرا.

نوع بشرتك كمان حاجة لازم تاخدي بالك منها وإنتي بتختاري لوازم مكياج الوجه. في منتجات زي BB & CC Creams بتعمل تغطية كويسة لمعظم أنواع البشرة من غير ما تنشفها. لو بشرتك دهنية، خلي بالك من الفاونديشن أو الكونسيلر اللي بيكون قاعدته كريمي عشان ما يزودش لمعان الجبهة أو يخلي شكل الوش مش ناعم. في الحالة دي، البودرة أو الفاونديشن الباودر، خصوصًا اللي فيها خصائص بتقلل اللمعة، بتكون أنسب ليكي. ولو بشرتك فيها حبوب أو حساسة، اختاري لوازم مكياج للبشرة المعرضة للحبوب – تكون خفيفة، بتغطي من غير ما تسد المسام، أو تهيّج أو تزود الحبوب أكتر.

المكياج اللي تستخدميه كل يوم لازم يكون خفيف وسهل، خصوصًا لو حياتك فيها حركة كتير أو بتخرجي شغل كل يوم. الهايلايتر هنا بيكون له دور حلو، بيدي لمعة طبيعية خفيفة من غير ما تحسي إنك متكلفة. ممكن تستخدميه مع لوك عيون بسيط وألوان شفايف هادية أو نود عشان اللوك يفضل ناعم وعملي.

لو بتدوري على لوك يليق على الشغل، فالأحسن يكون المكياج هادي واحترافي في نفس الوقت. اللوك الماط (اللي من غير لمعة) بيكون مناسب جدًا لأنه بسيط وشيك. استخدمي بودرة قريبة من لون بشرتك عشان توصلي للوك الماط من غير ما تحسي إن المكياج تقيل. ومعاها ممكن تحطي شادو بلون طبيعي بسيط، ومعاه ليب جلوس أو ليب تينت بدرجة قريبة من لون شفايفك.

لو عندك مناسبة أو حفلة، هنا تقدري تجرّبي براحتك وتختاري مكياج جريء ولامع. استخدمي بلاشر وبرونزر بدرجات تظهِر خدودك، ومعاهم كونتور لو حابة تعملي تحديد للوجه وتزودي اللوك احترافية كمان ممكن تختاري آي شادو قوي وروج بألوان ملفتة عشان يليق مع المناسبة.

وانتِ بتستخدمي مكياجك، لازم تستخدمي أدوات زي فرش الوجه عشان تتأكدي إن كل حاجة مندمجة بشكل كويس. والنتيجة دايمًا بتكون أحسن لما تطبقي المكياج بالترتيب الصح. أول حاجة، لازم تبدأي ببشرة نظيفة. بعدها، استخدمي التونر عشان تتأكدي إن مفيش أي دهون أو شوائب على البشرة. بعد كده، استخدمي برايمر وسبراي تثبيت ، وده بيجهز البشرة للمكياج وبيخلي كل حاجة تثبت لفترة أطول. ابدئي بالفاونديشن، بعدين حطي الكونسيلر، وبعدها الكوريكتور لو فيه أي أماكن محتاجة تغطية زيادة. بعد كده حطي البرونزر أو البلاشر، وفي الآخر الهايلايتر وادمجيهم كويس عشان توصلي للوك ناعم ومنوّر. وأهم حاجة، لازم تمسحي المكياج قبل النوم عشان تحمي بشرتك. استخدمي مزيل مكياج كويس، وكملي روتين العناية الليلي بتاعك بعدها.

جاهزة تبدأي شوبينج؟ اختاري وسيلة الدفع اللي تريحك، سواء من بطاقات الائتمان وبطاقات الخصم المباشر للبنك الأهلي المصري، أو بنك سي آي بس، أو بنك مصر، أو بنك اتش اس بي سي، أو بنك الإمارات دبي الوطني – أو حتى الدفع عند الاستلام. في نون هتكوني دايمًا مطمنة مع عروض زي الدفع بالتقسيط من غير فوائد، وسياسة الاسترجاع خلال 15 يوم. وكمان، تابعي دايمًا الخصومات والكاش باك وكوبونات الخصم اللي ممكن تضيفيها وقت الدفع. في شحن مجاني على الطلبات اللي فوق مبلغ معين، وكمان عروض حصرية على أبلكيشن نون. اشتري مكياج وجه من نون مصر، واختاري من بين براندات أصلية زي; ميبيلين، وإن واي إكس، وجارنييه، وإيسنس، وريفولوشن، وماكس فاكتور وغيرهم كتير.